വടക്കാഞ്ചേരി : ഒരു പൗരന്റെ ജന്മാവകാശമായ കുടിവെളളം ലഭ്യമാക്കുന്നതാണ് യഥാര്‍ഥ വികസനമെന്ന് പി.കെ ബിജു.എം.പി. ഈ യാഥാര്‍ഥ്യം ഉള്‍ക്കൊണ്ട് വടക്കാഞ്ചേരി നിയമസഭാ മണ്ഡലത്തില്‍ കുടിവെളള പദ്ധതികള്‍ നടപ്പിലാക്കുന്നതിന് 203.99 ലക്ഷം രൂപ പ്രാദേശിക വികസന ഫണ്ടില്‍ നിന്നുംഅനുവദിച്ചതായും എം.പി പറഞ്ഞു. എം.പി ഫണ്ടുപയോഗിച്ച് നടപ്പിലാക്കിയ മിണാലൂര്‍ ഭഗീരഥ, അത്താണി സില്‍ക്ക് നഗര്‍ എന്നീ കുടിവെളള പദ്ധതികള്‍ ഉദ്ഘാടനം ചെയ്ത് സംസാരിക്കുകയായിരുന്നു എം.പി.
വടക്കാഞ്ചേരി നഗരസഭയുടെ വികസനത്തിന് പ്രാദേശിക വികസന ഫണ്ടില്‍ നിന്നും ഇതുവരെ 79.60 ലക്ഷം രൂപ എം.പി അനുവദിച്ചിട്ട നഗരസഭ ചെയര്‍പേഴ്‌സണ്‍ ശിവപ്രിയ സന്തോഷ് അധ്യക്ഷനായി. നിര്‍മിതി കേന്ദ്രം പ്രൊജക്ട് മാനേജര്‍ എം.എം.ബോസ്‌കോ റിപ്പോര്‍ട്ട് അവതരിപ്പിച്ചു. നഗരസഭ വൈസ് ചെയര്‍മാന്‍ എം.ആര്‍.അനൂപ് കിഷോര്‍, എം.ആര്‍ സോമനാരായണന്‍ , എന്‍.കെ പ്രമോദ്കുമാര്‍, ലളിത ടീച്ചര്‍, കൗണ്‍സിലര്‍മാരായ പി.എന്‍ ജയന്തന്‍, , ബേബി ജോസ്, മുന്‍ പഞ്ചായത്ത് മെമ്പര്‍ സുലോചന കുടിവെളള ഗുണഭോക്ത്യസമിതി ഭാരവാഹികള്‍ പങ്കെടുത്തു.