തിരുവനന്തപുരം: രണ്ടാമത് അന്താരാഷ്ട്ര യോഗ ദിനാചരണത്തിന്റെ ഭാഗമായി കേരളാ പൊലിസ്് വിവിധ യോഗ പരിപാടികള്‍ സംഘടിപ്പിച്ചു. എല്ലാ ജില്ലകളിലും വിവിധ യൂണിറ്റുകളിലും ഇതിന്റെ ഭാഗമായി യോഗാഭ്യാസ പരിപാടികള്‍ നടന്നു.
തിരുവനന്തപുരത്ത് ചന്ദ്രശേഖരന്‍ നായര്‍ സ്റ്റേഡിയത്തില്‍ രാവിലെ 7.00 മണിക്ക് നടന്ന സംസ്ഥാനതല ചടങ്ങില്‍ സംസ്ഥാന പൊലിസ് മേധാവി ലോക്‌നാഥ് ബെഹ്‌റ, എ.ഡി.ജി.പി.മാരായ ബി.സന്ധ്യ, നിതിന്‍ അഗര്‍വാള്‍, ഐ.ജി.മാരായ ബല്‍റാംകുമാര്‍ ഉപാധ്യായ, വിജയശ്രീകുമാര്‍, തിരുവന്തപുരം സിറ്റി പൊലിസ് കമ്മീഷണര്‍ ജി.സ്പര്‍ജന്‍ കുമാര്‍, എ.ഐ.ജി കാളിരാജ് മഹേഷ്‌കുമാര്‍.എസ്, എസ്.എ.പി. കമാന്‍ഡന്റ് പി.എസ്.അബ്ദുള്‍ റസാഖ് തുടങ്ങിയവര്‍ പങ്കെടുത്തു.