കൊല്ലം: ശിവസേന ഉള്‍പ്പെടെയുള്ള സംഘടനകളുടെ സദാചാര ഗുണ്ടായിസത്തെ എതിര്‍ക്കുന്നതു പോലെ എതിര്‍ക്കപ്പെടേണ്ടതാണ് ചുംബനസമരമെന്ന പേരില്‍ നടത്തുന്ന ആഭാസപ്രകടനമെന്ന് കെ.ഡി.എഫ് സംസ്ഥാന പ്രസിഡന്റ് പി.രാമഭദ്രന്‍. അവകാശങ്ങള്‍ നേടിയെടുക്കുന്നതിനായി നടത്തുന്ന ത്യാഗനിര്‍ഭരമായ പോരാട്ടങ്ങളുടെ പട്ടികയിലേയ്ക്ക് പരസ്യമായി നടത്തുന്ന ലൈംഗിക ചേഷ്ഠകള്‍ സംസ്‌കാരസമ്പന്നമായ ഒരു സമൂഹത്തിന് അംഗീകരിക്കാന്‍ കഴിയില്ല. ഇത്തരം ആഭാസങ്ങളെ വിദ്യാര്‍ഥിയുവജന പ്രസ്ഥാനങ്ങള്‍ അംഗീകരിക്കുന്നതും ഭൂഷണമല്ലെന്നും അദ്ദേഹം പറഞ്ഞു.