ജിദ്ദ: സഊദിയില്‍ ട്രാഫിക് ഡയറക്ടറേറ്റിനു കീഴില്‍ വനിതാ ഉദ്യോഗസ്ഥരുടെ സേവനം ആരംഭിക്കുമെന്ന് വകുപ്പ് മേധാവി മേജര്‍ ജനറല്‍ മുഹമ്മദ് അല്‍ബസാമി അറിയിച്ചു.

വനിതകള്‍ക്കുള്ള ഡ്രൈവിങ് അനുമതി പ്രാബല്യത്തില്‍ വരുത്തുന്നതിനുള്ള മുഴുവന്‍ തയാറെടുപ്പുകളും ട്രാഫിക് വകുപ്പ് പൂര്‍ത്തിയാക്കി.
സഊദി അംഗീകരിക്കുന്ന വിദേശഡ്രൈവിങ് ലൈസന്‍സുകളും അന്താരാഷ്ട്ര ലൈസന്‍സുകളും മാറ്റിനല്‍കും.
ഇതിനായി 21 സഹായ കേന്ദ്രങ്ങള്‍ ഒരുക്കിയിട്ടുണ്ട്. റിയാദ്, ദമാം, അല്‍ഹസ, ജുബൈല്‍, ബുറൈദ, ഉനൈസ, ഹായില്‍, തബൂക്ക്, ജിദ്ദ, തായിഫ്, മക്ക, മദീന, അബഹ, അറാര്‍, ജിസാന്‍, നജ്‌റാന്‍, അല്‍ബാഹ, ഖുറയ്യാത്ത്, സകാക്ക എന്നിവിടങ്ങളിലാണ് കേന്ദ്രങ്ങള്‍.