മാന്നാര്‍: മാന്നാര്‍ പടിഞ്ഞാറുള്ള വിവിധ പാടശേഖരങ്ങളിലെ നെല്ല് മഴയിലും കാറ്റിലും വ്യാപകമായി നിലം പൊത്തി. വേനലില്‍ കരിഞ്ഞുണങ്ങിയ നെല്‍ച്ചെടികള്‍ക്ക് ആശ്വാസമാകുമെന്നു കരുതിയ മഴയും കാറ്റും നിമിത്തമാണു മാന്നാര്‍ പടിഞ്ഞാറ് അഴിയോടി, കുടവെള്ളാരി എ.ബി, വേഴത്താര്‍, നാല്‌തോട് തുടങ്ങിയ പാടശേഖരങ്ങളിലെ നെല്ല് നിലം പൊത്തിയത്. രണ്ടാഴ്ച കൂടി കഴിഞ്ഞാല്‍ കൊയ്‌തെടുക്കാന്‍ പാകത്തിനായ നെല്ലാണ് ഏറെയും നിലംപൊത്തിയത്.
  വെളളമുള്ള ചില പാടങ്ങളില്‍ വീണ് കിടക്കുന്ന നെല്ല് അഴുകി പോകുകയോ കിളിര്‍ക്കുകയോ ചെയ്ത് നശിക്കുമെന്ന ഭീതിയിലാണ് മിക്ക കര്‍ഷകരും.