പട്‌ന:ഉത്തര്‍പ്രദേശിലും ഉത്തരാഖണ്ഡിലും ബി.ജെ.പിക്ക് അട്ടിമറി വിജയം സമ്മാനിച്ചതിനുപിന്നില്‍ നോട്ട് നിരോധനം തന്നെയെന്ന് ബിഹാര്‍ മുഖ്യമന്ത്രി നിതീഷ് കുമാര്‍. ഇതിനെതിരേ ആരോപണം ഉന്നയിച്ച രാഷ്ട്രീയ പാര്‍ട്ടികള്‍ തിരിച്ചറിയാത്ത ഒരു കാര്യമാണ് ഇതെന്നും അദ്ദേഹം പട്‌നയില്‍ പറഞ്ഞു. നോട്ട് നിരോധനം യഥാര്‍ഥത്തില്‍ സഹായിച്ചത് പാവങ്ങളെയാണെന്നും അതാണ് ബി.ജെ.പിയ്ക്കനുകൂലമായ തരംഗമുണ്ടാക്കിയതെന്നും അദ്ദേഹം പറഞ്ഞു. ഉത്തരാഖണ്ഡിലും ഉത്തര്‍പ്രദേശിലും ബി.ജെ.പിയെ വിജയിപ്പിച്ച വോട്ടര്‍മാരെ ജനതാദള്‍(യു) നേതാവ് ശരദ് യാദവ് അഭിനന്ദിച്ചു.