ന്യൂഡൽഹി: കോണ്‍ഗ്രസ് നേതാവ് രാഹുല്‍ ഗാന്ധി ഭീകരവാദിയെന്ന് ബി.ജെ.പി നേതാവും കേന്ദ്രമന്ത്രിയുമായ രവനീത് സിങ് ബിട്ടു. രാജ്യത്തിന്റെ ഏറ്റവും വലിയ ശത്രുവാണ് രാഹുല്‍ ഗാന്ധിയെന്നും, രാഹുലിനെ പിടികൂടുന്നവര്‍ക്ക് പ്രതിഫലം പ്രഖ്യാപിക്കണമെന്നും ബിട്ടു പറഞ്ഞു. രാഹുല്‍ ഗാന്ധിയുടെ അമേരിക്കന്‍ സന്ദര്‍ശനത്തിന് പിന്നാലെയാണ് ബി.ജെ.പി നേതാവിന്റെ അധിക്ഷേപ പരാമര്‍ശം. 

നേരത്തെ, അവര്‍ മുസ് ലിങ്ങളെ ഉപയോഗിക്കാന്‍ ശ്രമിച്ചു. പക്ഷേ അത് നടന്നില്ല. ഇപ്പോള്‍ അവര്‍ സിഖുകാരെ ഭിന്നിപ്പിക്കാന്‍ ശ്രമിക്കുന്നു. രാഹുല്‍ ഗാന്ധിക്ക് മുന്‍പ് പിടികിട്ടാപുള്ളികളാണ് ഇത്തരം പ്രസ്താവനകള്‍ നടത്തിയിരുന്നത്. രാഹുലിന്റെ പരാമര്‍ശത്തെ അഭിനന്ദിക്കുന്നത് ഭീകരവാദികളാണ്. അദ്ദേഹം രാജ്യത്തെ ഒന്നാം നമ്പര്‍ തീവ്രവാദിയാണ്. എന്റ അഭിപ്രായത്തില്‍ രാജ്യത്തിന്റെ ഏറ്റവും വലിയ ശത്രുവിനെ പിടികൂടുന്നതില്‍ പ്രതിഫലം നല്‍കണമെങ്കില്‍ അത് രാഹുല്‍ ഗാന്ധിയാണ്,' ബി.ജെ.പി നേതാവ് പറഞ്ഞു. 

ഇതിന് പിന്നാലെ രാഹുല്‍ ഗാന്ധി ഇന്ത്യക്കാരനല്ലെന്നും, അദ്ദേഹം കൂടുതല്‍ സമയവും ഇന്ത്യക്ക് പുറത്താണെന്നും വിദേശത്ത് സുഹൃത്തുക്കളുണ്ടെന്നും ബി.ജെ.പി മന്ത്രി ആരോപിച്ചു. മൂന്ന് ദിവസത്തെ യു.എസ് സന്ദര്‍ശനത്തിനിടെ ഇന്ത്യയില്‍ വര്‍ധിച്ച് വരുന്ന മതപരമായ അസഹിഷ്ണുതയെ രാഹുല്‍ ഗാന്ധി ചൂണ്ടിക്കാട്ടിയിരുന്നു. ഇതാണ് ബിജെപി നേതാവിനെ ചൊടിപ്പിച്ചത്.

bjp minister hate speech against congress mp rahul gandhi