പഴയങ്ങാടി മാടായിപാറ പരിസ്ഥിതി സമ്മേളനത്തിനും ഇസിജിയുടെ 24ാം വാര്‍ഷികാഘോഷത്തിനും തുടക്കമായി. വെങ്ങര റെയില്‍വേഗേറ്റ് പരിസരത്തു നടന്ന  പരിസ്ഥിതി സമ്മേളനം   സി.ആര്‍ നീലകണ്ഠന്‍ ഉദ്ഘാടനം ചെയ്തു. മാടായിപാറ സംരക്ഷണ സമിതി ചെയര്‍മാന്‍  പി.പി കൃഷ്ണന്‍ അധ്യക്ഷനായി. ഡോ.ഡി.സുരേന്ദ്രനാഥ്, മാടായിപാറ സംരക്ഷണസമിതി സെക്രട്ടറി കെ.പി ചന്ദ്രാംഗദന്‍, കെ.വി രാമചന്ദ്രന്‍, ടി.പി അബ്ബാസ് ഹാജി, വി.പി മുഹമ്മദലി, പഞ്ചാലി ഗോപാലന്‍, പി അബ്ദുല്‍ ഖാദര്‍, സി നാരായണന്‍ സംസാരിച്ചു. ചടങ്ങില്‍ മാധ്യമപ്രവര്‍ത്തകര്‍, മാടായിപാറസംരക്ഷണസമിതി പ്രവര്‍ത്തകര്‍ എന്നിവരെ ഉപഹാരം നല്‍കി ആദരിച്ചു.
രണ്ടാഴ്ച കാലം നീളുന്ന പരിസ്ഥിതിസമ്മേളനം മാടായിപാറയിലും അനുബന്ധപ്രദേശങ്ങളിലുമായിട്ടാണ്  നടക്കുക. 26ന് വൈകീട്ട് മൂന്നിന്  മാടായി വടുകുന്ദ തടാകതീരത്ത് സമാപന സമ്മേളനം നടക്കും.