കല്‍പ്പറ്റ: കെ.എസ്.ടി.എ സംസ്ഥാന എക്‌സിക്യുട്ടീവ് കമ്മറ്റി അംഗമായിരുന്ന എം മുരളീധരന് കെ.എസ.്ടി.എ ജില്ലാ കമ്മിറ്റിയുടെ നേതൃത്വത്തില്‍ യാത്രയയപ്പ് നല്‍കി. സി.പി.ഐ (എം) സംസ്ഥാന കമ്മിറ്റി അംഗം പി.എ മുഹമ്മദ് ഉദ്ഘാടനം ചെയ്തു.
ഗുരുകാരുണ്യ എന്‍ഡോവ്‌മെന്റ്  നിക്ഷേപ പദ്ധതി, സ്വാഗതസംഘം സമാഹരിച്ച തുക ഭാരവാഹികള്‍ക്ക് കൈമാറി സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. കെ.എസ്.ടി.എ സംസ്ഥാന ജനറല്‍ സെക്രട്ടറി കെ.സി ഹരികൃഷ്ണന്‍ എം മുരളിധരന് ഉപഹാരം നല്‍കി. അധ്യാപക ലോകം അവാര്‍ഡ് ജേതാവ് ബാലസാഹിത്യകാരി ഡോ. പി.കെ ഭാഗ്യലക്ഷ്മിയെ ചടങ്ങില്‍ ആദരിച്ചു.  
ഭാഗ്യലക്ഷ്മി കാന്‍സര്‍ രോഗികള്‍ക്ക് നല്‍കുന്നതിനായി ഏല്‍പ്പിച്ച  അവാര്‍ഡ് തുക സംസ്ഥാന സെക്രട്ടറി ബി സുരേഷ് വിതരണം ചെയ്തു. കെ.എസ്.ടി.എ ജില്ലാ പ്രസിഡന്റ് പി.ജെ സെബാസ്റ്റിയന്‍ അധ്യക്ഷനായി. എഫ്.എസ.്ഇ.ടി.ഒ ജില്ലാ സെക്രട്ടറി ടി.കെ അബ്ദുല്‍ഗഫൂര്‍, കെ.എസ്.ടി.എ സംസ്ഥാന എക്‌സിക്യൂട്ടിവ് അംഗങ്ങളായ എന്‍.എ വിജയകുമാര്‍, വി.എ ദേവകി സംസാരിച്ചു. എം മുരളീധരന്‍ യാത്രയയപ്പിന് മറുപടി പറഞ്ഞു. ജില്ലാ സെക്രട്ടറി പി.ജെ ബിനേഷ് സ്വാഗതവും പി.വി ജയിംസ് നന്ദിയും പറഞ്ഞു.