മലപ്പുറം: അധ്യയന വര്‍ഷം അവസാനിക്കാറായിട്ടും കാരണമൊന്നും കൂടാതെ നൂറുകണക്കിന് അധ്യാപകരുടെ നിയമനാംഗീകാരം ബോധപൂര്‍വം വൈകിപ്പിക്കാന്‍ സര്‍ക്കാര്‍-ഉദ്യോഗസ്ഥ ഒത്തുകളി തുടരുകയാണെങ്കില്‍ സമരപരിപാടികള്‍ നടത്തുമെന്ന് കെ.എസ്.ടി.യു ജില്ലാ കമ്മിറ്റി യോഗം മുന്നറിയിപ്പ് നല്‍കി. ജില്ലാ കമ്മിറ്റിയുടെ ആഭിമുഖ്യത്തില്‍ സര്‍വിസില്‍ നിന്നും വിരമിക്കുന്ന അധ്യാപക നേതാക്കള്‍ക്കി 19 ന് യാത്രയയപ്പ് സമ്മേളനം നടത്താന്‍ തീരുമാനിച്ചു. സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. ജില്ലാ കമ്മിറ്റി യോഗത്തില്‍ പ്രസിഡന്റ് കെ.എം അബ്ദുള്ള അധ്യക്ഷനായി.
 സംസ്ഥാന ജനറല്‍ സെക്രട്ടറി എ.കെ സൈനുദ്ദീന്‍ ഉദ്ഘാടനം ചെയ്തു. പി.കെ.എം ഷഹീദ്, എം.അഹമ്മദ്, മജീദ് കാടേങ്ങല്‍, കെ.ടി അമാനുള്ള, വി.സഫ്ദറലി, ടി.എം ജലീല്‍, എന്‍.പി മുഹമ്മദാലി, സി.അബ്ദുറഹ്മന്‍, എം.റസാഖ്, മുജീബ് കൈപ്പള്ളി, ഷമീം കാവനൂര്‍, എം.സിദ്ദീഖ് സംസാരിച്ചു.