കണ്ണൂര്‍: മാഹിയില്‍ കഴിഞ്ഞ ദിവസമുണ്ടായ ഇരട്ട കൊലപാതകത്തിന്റെ പശ്ചാത്തലത്തില്‍ വ്യാഴാഴ്ച കണ്ണൂരില്‍ സി.പി.എം-ബി.ജെ.പി ഉഭയകക്ഷി ചര്‍ച്ച നടക്കും. ജില്ലാ കലക്ടര്‍ മിര്‍ മുഹമ്മദ് അലിയാണ് യോഗം വിളിച്ചത്.

വൈകിട്ട് ആറിന് കലക്ടറേറ്റ് കോണ്‍ഫറന്‍സ് ഹാളിലാണ് യോഗം. കഴിഞ്ഞ ഏഴിന് ന്യൂ മാഹിയിലും പള്ളൂരില്‍ സി.പി.എം, ബി.ജെ.പി പ്രവര്‍ത്തകരെ വെട്ടിക്കൊാലപ്പെടുത്തിയിരുന്നു. തുടര്‍ന്ന് പ്രദേശത്ത് വ്യാപക അക്രമങ്ങളാണ് ഉണ്ടായത്.