കൊടുവള്ളി: വ്യാപാരി വ്യവസായി ഏകോപന സമിതിയും ഗോള്‍ഡ് ആന്റ് സില്‍വര്‍ മര്‍ച്ചന്റ് അസോസിയേഷനും സംയുക്തമായി സംഘടിപ്പിക്കുന്ന കൊടുവള്ളി ഫെസ്റ്റ് ഇന്ന് തുടങ്ങും. പരിപാടികള്‍ക്ക് തുടക്കം കുറിച്ച് കൊടുവള്ളിയില്‍ സാംസ്‌കാരിക വിളംബര ഘോഷയാത്ര സംഘടിപ്പിച്ചു.
വ്യാപാരികള്‍, വിവിധ ക്ലബുകള്‍, സാംസ്‌കാരിക സന്നദ്ധ സംഘടനകള്‍, എന്നിവര്‍ ഘോഷയാത്രയില്‍ അണിനിരന്നു.
 നഗരസഭ വൈസ് ചെയര്‍മാന്‍ എ.പി മജിദ്, കൗണ്‍സിലര്‍മാരായ ഒ.പി റസാഖ്, ഇ.സി മുഹമ്മദ്, പി.കെ ഷിബ, കെ. ബാബു. കെ. ശിവദാസന്‍, കോതൂര്‍ മുഹമ്മദ്, പി.ടി.എ ലത്തീഫ്, കെ. സുരേന്ദ്രന്‍, പി.ടി സദാശിവന്‍, ഒ.ടി സുലൈമാന്‍, ഒ.പി റഷീദ്, എന്‍.പി ഇഖ്ബാല്‍, ആര്‍.സി സുബൈര്‍, അഷ്‌റഫ് വാവാട്, കെ.കെ അബ്ദുറഹിമാന്‍ കുട്ടി, എം. അബ്ദുല്‍ ഖാദര്‍, സി.പി മജീദ്, ടി.പി അര്‍ഷാദ്, ടി.കെ അതിയത്ത്, പി. അബ്ദുറസാഖ്, കെ. അസ്സയിന്‍ നേതൃത്വം നല്‍കി. ഫെസ്റ്റിറ്റിന്റെ ടിക്കറ്റ് വില്‍പനയുടെ ഉദ്ഘാടനം നഗരസഭ വൈസ് ചെയര്‍മാന്‍ എ.പി മജീദ് നിര്‍വഹിച്ചു. പി.ടി.എ ലത്തീഫ് അധ്യക്ഷനായി.
ഫെസ്റ്റിനോടനുബന്ധിച്ച് കാര്‍ഷിക വ്യവസായ പ്രദര്‍ശനം ഭക്ഷ്യമേള, ആരോഗ്യ പ്രദര്‍ശനം,വിവിധ മത്സരങ്ങള്‍ കലാപരിപാടികള്‍ എന്നിവ നടത്തപ്പെടും. 15 ദിവസം ഇടവിട്ട് കൂപ്പണ്‍ നറുക്കെടുപ്പിലൂടെ ബമ്പര്‍ സമ്മാനങ്ങളും, സ്‌ക്രാച് ആന്‍ഡ് വിന്‍ സമ്മാനങ്ങളുമാണ് നല്‍കുക.