നടുവണ്ണൂര്‍: ഉള്ള്യേരി മണ്ഡലം കോണ്‍ഗ്രസ് പ്രസിഡന്റ് സതീഷ് കന്നൂരിന്റെ കന്നൂര്‍ അങ്ങാടിയിലെ കട നാലംഗസംഘം കൈയേറി നശിപ്പിച്ചു. പച്ചക്കറി, സ്റ്റേഷനറി സാധനങ്ങള്‍ റോഡിലേക്ക് വലിച്ചിട്ടു. കടയില്‍ കച്ചവടം നടത്തുന്നതിനിടെ ഇന്നലെ വൈകീട്ട് 6.30നാണ് സംഭവം നടന്നത്.
  ഉള്ള്യേരി അങ്ങാടിയിലുള്ള കോണ്‍ഗ്രസ് ഓഫിസിനുനേരെയും ആക്രമണമുണ്ടായി. പൂട്ടിയിട്ട ഓഫിസിന്റെ വാതില്‍ പൊളിച്ച് അകത്ത് കടന്ന് ഫര്‍ണിച്ചറും ഫയലുകളും മറ്റും നശിപ്പിച്ചു. ഇന്നലെ ഏഴിനാണ് ആക്രമണം. മറ്റ് വ്യാപാരസ്ഥാപനങ്ങള്‍ ഹര്‍ത്താലില്‍ അടഞ്ഞുകിടക്കുകയായിരുന്നു.