ഹരിപ്പാട്: കെ.എസ്.ആർ.ടി.സി ബസിൽ യാത്രികയായ യുവതിക്ക് നേരെ ലൈംഗികാതിക്രമം നടത്തിയ ഡിപ്പോ ജീവനക്കാരൻ പിടിയിലായി. കെ.എസ്.ആർ.ടി.സി കായംകുളം ഡിപ്പോയിലെ ഡ്രൈവറും ചേർത്തല വയലാർ തെക്കേക്കര സ്വദേശിയുമായ രഞ്ജനെയാണ് (53) ഹരിപ്പാട് പൊലിസ് അറസ്റ്റ് ചെയ്തത്.

ഇന്ന് രാവിലെ ഏഴുമണിയോടെ എറണാകുളത്തുനിന്നും തിരുവനന്തപുരത്തേക്ക് പോവുകയായിരുന്ന സൂപ്പർഫാസ്റ്റ് ബസിലായിരുന്നു സംഭവം. ആലപ്പുഴയിൽ നിന്നും കരുനാഗപ്പള്ളിയിലെ സ്വകാര്യ സ്ഥാപനത്തിലേക്ക് ജോലിക്ക് പോവുകയായിരുന്ന അധ്യാപികയാണ് അതിക്രമത്തിന് ഇരയായത്.

കായംകുളം ഡിപ്പോയിലേക്ക് ഡ്യൂട്ടിക്കായി യൂണിഫോം ധരിച്ച് യാത്ര ചെയ്യുകയായിരുന്നു പ്രതിയായ രഞ്ജൻ. ബസ് തോട്ടപ്പള്ളി കന്നുകാലി പാലത്തിന് സമീപമെത്തിയപ്പോൾ, തൊട്ടടുത്ത സീറ്റിലിരുന്ന യുവതിയോട് ഇയാൾ മോശമായി പെരുമാറുകയും കടന്നുപിടിക്കുകയുമായിരുന്നു. യുവതി ബഹളം വെച്ചതിനെ തുടർന്ന് പ്രതിയെ ഇതേ ബസിൽത്തന്നെ ഹരിപ്പാട് പൊലിസ് സ്റ്റേഷനിൽ എത്തിക്കുകയായിരുന്നു. പൊലിസ് യുവതിയുടെ വിശദമായ മൊഴി രേഖപ്പെടുത്തിയ ശേഷമാണ് പ്രതിയുടെ അറസ്റ്റ് രേഖപ്പെടുത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

A KSRTC bus driver from the Kayamkulam depot was arrested by the Haripad police for allegedly sexually assaulting a teacher. The incident occurred inside a superfast bus traveling from Ernakulam to Thiruvananthapuram. The accused, who was traveling as a passenger to report for duty, sat next to the woman and misbehaved with her.