കണ്ണൂര്‍: ജില്ലാ ലൈബ്രറി വികസന സമിതി സംഘടിപ്പിക്കുന്ന  പതിനൊന്നാമത് അന്താരാഷ്ട്ര പുസ്തകോല്‍സവവും ജില്ലാ ടൂറിസം പ്രമോഷന്‍ കൗണ്‍സിലിന്റെ സഹകരണത്തോടെ സംഘടിപ്പിക്കുന്ന സാംസ്‌കാരികോല്‍സവവും  ഇന്നു തുടങ്ങും. വൈകീട്ട് 5.30ന് കലകട്രേറ്റ് മൈതാനിയില്‍ മേയര്‍ ഇപി ലത, ജില്ലാ പഞ്ചായത്ത് പ്രസിഡന്റ് കെ.വി സുമേഷ്, കലക്ടര്‍ മീര്‍മുഹമ്മദലി എന്നിവര്‍ ചേര്‍ന്ന് ഉദ്ഘാടനം ചെയ്യും. എം.എം.എന്‍ കരിവെള്ളൂരിന്റെ സ്‌നേഹ നിലാവുകള്‍, പ്രണയ നിലാവുകള്‍ നോവലും സി.വി രവീന്ദ്രനാഥിന്റെ പുസ്തകവും പ്രകാശനം ചെയ്യും. തുടര്‍ന്ന് കണ്ണൂര്‍ ഷാഫി, തോട്ടട ഷാഫി സംഘവും അവതരിപ്പിക്കുന്ന ഗാനമേള അരങ്ങേറും.