ഗൂഡല്ലൂര്‍: മാവോയിസ്റ്റ് ഭീഷണിയെ തുടര്‍ന്ന് തമിഴ്‌നാട് ദൗത്യസേന തമിഴ്‌നാട്-കര്‍ണാടക അതിര്‍ത്തികളിലെ വനത്തില്‍ തിരച്ചില്‍ നടത്തി.
കര്‍ണാടകയില്‍ നിയമസഭ തെരഞ്ഞെടുപ്പ് നടക്കുന്ന സാഹചര്യത്തില്‍ മാവോയിസ്റ്റുകള്‍ തമിഴ്‌നാട്ടിലേക്ക് പ്രവേശിക്കാന്‍ സാധ്യതയുണ്ടെന്ന ഇന്റലിജന്‍സ് വിഭാഗത്തിന്റെ മുന്നറിയിപ്പിനെ തുടര്‍ന്ന് ജില്ലാ പൊലിസ് മേധാവി മുരളീറംഭയുടെ നേതൃത്വത്തില്‍ രൂപീകരിച്ച പ്രതിരോധസേനയാണ് പരിശോധന നടത്തിയത്. കേരള, കര്‍ണാടക അതിര്‍ത്തികളിലും സംഘം നിരീക്ഷണം നടത്തുന്നുണ്ട്. മായാര്‍ മുതല്‍ പാല്‍തട്ടി, ബെല്‍മിന്‍ കടവ്, മംഗലപട്ടി വരെയുള്ള വനത്തിലാണ് കഴിഞ്ഞ ദിവസം ഇവര്‍ തിരച്ചില്‍ നടത്തിയത്.