കടുത്തുരുത്തി: അകാലത്തില്‍ വേര്‍പിരിഞ്ഞുപോയ സ്റ്റാര്‍ വിഷന്‍ കാമറമാന്‍ ചീഫ് ടോണി വെമ്പള്ളിയുടെ കുടുംബത്തെ സഹായിക്കുവാന്‍ ടോണി അംഗമായ പ്രാദേശിക മാധ്യമപ്രവര്‍ത്തകരുടെ സംഘടനയായ കേരള പത്രപ്രവര്‍ത്തക അസോസിയേഷന്‍ കോട്ടയം ജില്ലാ കമ്മറ്റിയും കടുത്തുരുത്തി പ്രസ്‌ക്ലബ് സംയുക്തമായി സമാഹരിച്ച 67000 രൂപ ടോണിയുടെ ഭാര്യ രജനിയും മകള്‍ ആന്‍മരിയയും ചേര്‍ന്ന് ഏറ്റുവാങ്ങി. ജില്ലാ പ്രസിഡന്റ് കെ.സി പ്രസാദ് അധ്യക്ഷത വഹിച്ചു. ജില്ലാ സെക്രട്ടറി ബിജു ഇത്തിത്തറയും സംസ്ഥാന ഖജാന്‍ജി ബൈജു പെരുവയും ചേര്‍ന്നു തുക കൈമാറി. എ.ആര്‍ രവീന്ദ്രന്‍ ഏറ്റുമാനൂര്‍, വൈക്കം താലൂക്ക് കമ്മിറ്റി സെക്രട്ടറി ബയ്‌ലോണ്‍ എബ്രാഹം, അനില്‍ കുറിച്ചിത്താനം, അജേഷ് ജോണ്‍, എ.സി പ്രശാന്ത്, സജി മെഗാസ്, ട്രൂവിഷന്‍ ചാനല്‍ ജീവനക്കാരായ ജോര്‍ജ്ജ് ജോസഫ്, ജോസഫ് എം.ടി എന്നിവര്‍ പ്രസംഗിച്ചു.