കട്ടിപ്പാറ: നസ്രത്ത് എല്‍.പി സ്‌കൂളില്‍ 'സ്‌നേഹപൂര്‍വം സുപ്രഭാതം' പദ്ധതിക്ക് തുടക്കമായി. കട്ടിപ്പാറ ശാഖാ എസ്.കെ.എസ്.എസ്.എഫ് സ്‌പോണ്‍സര്‍ ചെയ്ത പത്രം പി.ടി.എ പ്രസിഡന്റ് വി.എ നിസാര്‍ വിദ്യാര്‍ഥികള്‍ക്ക് കൈമാറി ഉദ്ഘാടനം ചെയ്തു.
ചടങ്ങില്‍ പ്രസന്ന ടീച്ചര്‍ അധ്യക്ഷയായി. ഹെഡ്മിസ്ട്രസ് വി.എല്‍ മേരി, അനു ടീച്ചര്‍, ബെറ്റി ടീച്ചര്‍, സിസ്റ്റര്‍ റോസ്‌മേരി, മീന ടീച്ചര്‍, പി.കെ ഫസ്‌ലുറഹ്മാന്‍, പി.എം ജാബിര്‍ സംസാരിച്ചു. സലാം മാസ്റ്റര്‍ സ്വാഗതവും ലൈജു മാസ്റ്റര്‍ നന്ദിയും പറഞ്ഞു.