ശ്രീകണ്ഠപുരം: ആലക്കോട് പഞ്ചായത്തിലെ കാപ്പിമല, ഫര്‍ലോങ്ങ്കര, നൂലിട്ടാമല, വൈതല്‍ കുണ്ട് പ്രദേശങ്ങളിലുണ്ടായ ഉരുള്‍പൊട്ടലില്‍ നാശം സംഭവിച്ചവര്‍ക്ക് അടിയന്തിരമായി സഹായം നല്‍കണമെന്ന് മുഖ്യമന്ത്രിക്കുള്ള കത്തില്‍ കെ.സി ജോസഫ് എം.എല്‍.എ ആവശ്യപ്പെട്ടു. നിയമസഭയില്‍ ഇക്കാര്യം ഉന്നയിച്ചിട്ടുണ്ടെന്നും കലക്ടറുമായും ബന്ധപ്പെട്ട് അടിയന്തിര നടപടികള്‍ സ്വീകരിക്കാന്‍ ആവശ്യപ്പെട്ടതായും അദ്ദേഹം വാര്‍ത്താകുറിപ്പില്‍ പറഞ്ഞു.