ലണ്ടന്‍: ആക്രമണത്തിന്റെ ഇരകളെ സഹായിക്കാന്‍ മുസ്‌ലിം സംഘടനകള്‍ ഫണ്ട് ശേഖരിക്കുന്നു. മുസ്‌ലിം യുനൈറ്റഡ് ഫോര്‍ ലണ്ടന്‍ എന്ന വെബ്‌സൈറ്റ് വഴിയാണ് ഫണ്ട് ശേഖരണം.
ഫണ്ട് ശേഖരണ അറിയിപ്പ് പുറത്തുവിട്ട് മണിക്കൂറിനകം 8,887 യൂറോ സമാഹരിക്കാനായിട്ടുണ്ട്. 297 പേരാണ് സഹായം നല്‍കിയത്. അകീല അഹ്മദ് എന്ന യുവതിയാണ് ഫണ്ട് ശേഖരണത്തിനു മുന്നിട്ടിറങ്ങിയത്.
26 ദിവസം കൂടി ഓണ്‍ലൈനില്‍ സഹായം നല്‍കാം. 10 മുതല്‍ 750 യൂറോവരെ അയക്കാനാകും. ബ്രിട്ടനിലെ മുസ്‌ലിംകള്‍, പള്ളികള്‍, ഇമാമുമാര്‍, മതനേതാക്കള്‍, വിവിധ സംഘടനകള്‍ എന്നിവയെല്ലാം പദ്ധതിയുമായി സഹകരിക്കുന്നുണ്ട്.