തിരുവനന്തപുരം : ഈ മാസം 26 വരെ ലക്ഷദ്വീപിന്റെ പരിസരവും ലക്ഷദ്വീപിനും മാല ദ്വീപിനും പടിഞ്ഞാറ് ഭാഗത്തിനും അറേബ്യന്‍ ഉപഭൂഖണ്ഡത്തിനും ഇടയിലുള്ള അറബിക്കടല്‍ പ്രക്ഷുബ്ധമായിരിക്കുമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
മത്സ്യത്തൊഴിലാളികള്‍ ലക്ഷദ്വീപിന്റെ പരിസരവും ലക്ഷദ്വീപിനും മാല ദ്വീപിനും പടിഞ്ഞാറ് ഭാഗത്തിനും, അറേബ്യന്‍ ഉപഭൂഖണ്ഡത്തിനും ഇടയിലുള്ള അറബികടലിലും മത്സ്യബന്ധനത്തിന് പോകരുത്.
അറബിക്കടലിന്റെ മധ്യഭാഗത്തായി ലക്ഷദ്വീപിനും മാല ദ്വീപിനും പടിഞ്ഞാറ് വശം രൂപപെട്ട മെക്കുനു എന്ന തീവ്ര ചുഴലിക്കാറ്റ് അറേബ്യന്‍ ഉപഭൂഖണ്ഡത്തിനോട് അടുത്തായി നിലകൊള്ളുന്നതിനാലാണ് ഇതിന് കാരണം .