സുല്‍ത്താന്‍ ബത്തേരി: വടക്കനാട് മേഖലയില്‍ ഭീതിപരത്തുന്ന മുട്ടിക്കൊമ്പനെ പിടികൂടുന്നതിനുള്ള നടപടികള്‍ വൈകുന്നതിനെതിരേ പ്രതിഷേധം. പതിവായി ആന ജനവാസ മേഖലകളിലെത്തുന്നതിനാല്‍ വീട്ടില്‍ നിന്ന് പുറത്തിറങ്ങാന്‍ കഴിയാത്ത സ്ഥിതിയാണെന്ന് നാട്ടുകാര്‍ പറയുന്നു.

ആനയെ പിടികൂടാന്‍ ചീഫ് വൈല്‍ഡ് ലൈഫ് വാര്‍ഡന്‍ ഉത്തരവിറക്കിയെങ്കിലും നടപടികളില്‍ വനം വകുപ്പ് മെല്ലെപ്പോക്ക് തുടരുകയാണെന്ന ആക്ഷേപം ശക്തമാണ്. നടപടികള്‍ പുരോഗമിക്കുന്നുവെന്ന് പറയുകയല്ലാതെ മറ്റൊന്നും നടക്കുന്നില്ലെന്നാണ് നാട്ടുകാരുടെ ആക്ഷേപം. വനംവകുപ്പ് നിരീക്ഷണം നടത്തുന്നുണ്ടെങ്കിലും ദിനംപ്രതിയെത്തുന്ന ആന ജനങ്ങളുടെ ജീവനും സ്വത്തിനും ഭീഷണിയായി തുടരുകയാണ്.

ALSO READ: വിദ്യാര്‍ഥിയെ കുത്തിപ്പരിക്കേല്‍പ്പിച്ച സംഭവം: പ്രതി പിടിയില്‍; മീന്‍ പിടിക്കുന്നതിനിടെയുണ്ടായ തര്‍ക്കം അക്രമത്തില്‍ കലാശിച്ചു

വനാതിര്‍ത്തിയിലെ ഫെന്‍സിങ് തകര്‍ത്ത് പുറത്തിറങ്ങുന്ന കൊമ്പന്‍ കര്‍ഷകരുടെ കൃഷികള്‍ വ്യാപകമായി നശിപ്പിക്കുന്നുണ്ട്. വീടുകള്‍ക്ക് മുന്നില്‍ വരെ കാട്ടാന എത്തുന്നത് ജനജീവിതം കൂുതല്‍ ദുസ്സഹമാക്കുകയാണ്. ഇന്നലെ പുലര്‍ച്ചെ വടക്കനാട് മംഗലംകുന്ന് നാരായണന്റെ വീട്ടുമുറ്റത്തെത്തിയ കൊമ്പന്‍ സൈക്കിള്‍ തട്ടിതെറിപ്പിച്ച് കേടുപാടുകള്‍ വരുത്തുകയും ഉണങ്ങാനിട്ടിരുന്ന വസ്ത്രങ്ങള്‍ നശിപ്പിക്കുകയും ചെയ്തിരുന്നു.

കൃഷിയിടത്തിന് ചുറ്റും കര്‍ഷകര്‍ സ്ഥാപിച്ച ഫെന്‍സിങ് തകര്‍ത്താണ് കാട്ടാന വീട്ടുമുറ്റത്തടക്കം എത്തി ഭീതിപരത്തുന്നത്. കാട്ടാന ആക്രമണത്തില്‍ യുവകര്‍ഷകനായ രജീവ് മരിച്ച് ഒരാഴ്ച പിന്നിടുമ്പോഴും കാട്ടാനശല്യത്തിന് അറുതിവരുത്താന്‍ വനം വകുപ്പിന് കഴിയാത്തതിനെതിരേ മേഖലയില്‍ കടുത്ത പ്രതിഷേധമാണുയരുന്നത്.

ആനയെ പിടികൂടുന്നതിനുള്ള ദൗത്യം കൂടുതല്‍ വൈകിയാല്‍ ഇനിയും ജീവന്‍ നഷ്ടപ്പെടുമെന്നും ആനയെ പിടികൂടുന്നതിന് അടിയന്തര നടപടി വേണമെന്നുമാണ് കര്‍ഷകരുടെ ആവശ്യം.

ALSO READ: കവടിയാർ കൊട്ടാരത്തിൽ വൻ മോഷണം; രണ്ട് കോടിയുടെ അമൂല്യ ആഭരണങ്ങൾ കവർന്നു, അന്വേഷണം ഊർജിതം

കൂട് നിര്‍മാണം തിങ്കളാഴ്ച ആരംഭിക്കും

വടക്കനാട് മേഖലയില്‍ കര്‍ഷകനെ ആക്രമിച്ചു കൊന്ന് ഭീതിപരത്തുന്ന കൊമ്പനെ പിടികൂടിയാല്‍ പാര്‍പ്പിക്കാനുള്ള കൂടിന്റെ നിര്‍മാണം തിങ്കളാഴ്ച ആരംഭിക്കും. കൂട് നിര്‍മിക്കാന്‍ ആവശ്യമായ മരങ്ങള്‍ മുറിക്കുന്നതിന് ഉന്നത ഉദ്യോഗസ്ഥരില്‍ നിന്ന് കഴിഞ്ഞദിവസം അനുമതി ലഭിച്ചിരുന്നു. വന്യജീവിസങ്കേതത്തില്‍ നിന്ന് യൂക്കാലിപ്്റ്റസ് മരങ്ങള്‍ മുറിച്ചെടുത്താണ് കൂട് നിര്‍മിക്കുക. ഇതിനായി 124 മരങ്ങള്‍ വനംവകുപ്പ് അടയാളപ്പെടുത്തിയിട്ടുണ്ട്. കൂടിന്റെ നാല് ഭാഗത്തേക്കുമുള്ള തൂണുകള്‍, ഇവയെ ബന്ധിപ്പിക്കുന്ന കഴകള്‍ എന്നിവയടക്കമാണ് 124 മരങ്ങള്‍ മുറിക്കുക.

ആന തള്ളിയാല്‍ മറിയാത്തതും പോകാത്തതരത്തിലുമാണ് കൂട് നിര്‍മിക്കുക. മുമ്പ് കല്ലൂര്‍ കൊമ്പന്‍, വടക്കനാട് കൊമ്പന്‍, പന്തല്ലൂര്‍ മഖ്ന എന്നിവയെ പിടികൂടിയപ്പോഴും കൂടുകള്‍ നിര്‍മിച്ച ശേഷമാണ് ആനയെ പിടികൂടിയത്. കൂടിന്റെ നിര്‍മാണം വേഗത്തില്‍ പൂര്‍ത്തിയാക്കി കൊമ്പനെ പിടികൂടാനുള്ള നടപടികളിലേക്ക് കടക്കുമെന്നാണ് വനം വകുപ്പില്‍ നിന്ന് ലഭിക്കുന്ന വിവരം.

The wild elephant known as Muttikkomban continues to roam in residential areas, causing fear among local residents. People have staged protests against the delay in capturing the elephant, accusing authorities of not taking timely action.