ഫുജൈറ: ഫുജൈറ പെട്രോളിയം ഇൻഡസ്ട്രീസ് സോണിലുണ്ടായ തീപിടുത്തം നിയന്ത്രണവിധേയമാക്കാൻ അധികൃതർ തീവ്രശ്രമം തുടരുന്നു. പ്രതിരോധ സേന തകർത്ത ഡ്രോണിന്റെ അവശിഷ്ടങ്ങൾ താഴേക്ക് വീണതാണ് തീപിടുത്തത്തിന് കാരണമായതെന്ന് ഫുജൈറ അധികൃതർ സ്ഥിരീകരിച്ചു.

ALSO READ: ദുബൈ മറീനയിലും അൽ സൂഫൂഹിലും ഉഗ്രശബ്ദം; വ്യോമപ്രതിരോധ സംവിധാനം ഭീഷണികളെ തകർത്തു

സംഭവത്തിൽ ഒരു ജോർദാൻ പൗരന് നിസ്സാര പരുക്കേറ്റതായും റിപ്പോർട്ടുകളുണ്ട്. ഇദ്ദേഹത്തിന് ഉടൻ തന്നെ പ്രാഥമിക ചികിത്സ ലഭ്യമാക്കി. വ്യാവസായിക മേഖലയിലെ സുരക്ഷാ മാനദണ്ഡങ്ങൾ പാലിച്ച് തീ പൂർണ്ണമായും അണയ്ക്കാനുള്ള ശ്രമത്തിലാണ് അഗ്നിശമന സേനയും മറ്റ് സുരക്ഷാ വിഭാഗങ്ങളും.

ALSO READ: യുഎഇ-ഇന്ത്യ വിമാന സർവീസുകളിൽ നിയന്ത്രണം: യാത്രാ മാർഗനിർദ്ദേശങ്ങളുമായി ഇന്ത്യൻ എംബസി; നിരവധി സർവീസുകൾ റദ്ദാക്കി

മേഖലയിലെ എണ്ണ സംഭരണ ശാലകൾക്കോ മറ്റ് പ്രധാന അടിസ്ഥാന സൗകര്യങ്ങൾക്കോ കാര്യമായ നാശനഷ്ടങ്ങൾ സംഭവിച്ചിട്ടുണ്ടോ എന്ന് അധികൃതർ പരിശോധിച്ചു വരികയാണ്. സ്ഥിതിഗതികൾ നിയന്ത്രണവിധേയമാണെന്നും ജനങ്ങൾ പരിഭ്രാന്തരാകേണ്ടതില്ലെന്നും സുരക്ഷാ ഉദ്യോഗസ്ഥർ അറിയിച്ചു.

a fire broke out in fujairah after debris from a drone fell in the area. authorities confirmed that one person was injured in the incident. emergency teams quickly controlled the fire while officials launched an investigation.