കൊല്ലം: കുണ്ടറയില്‍ പത്തുവയസ്സുകാരിയെ പീഡിപ്പിച്ച കേസുമായി ബന്ധപ്പെട്ട് പെണ്‍കുട്ടിയുടെ മുത്തശ്ശിയെ അറസ്റ്റ് ചെയ്യും. പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിക്കുന്നതിന് ഒത്താശ ചെയ്തതിനാണ് പ്രതി വിക്ടറിന്റെ ഭാര്യ ലതയെ അറസ്റ്റ് ചെയ്യുന്നത്. പീഡനവിവരം അറിഞ്ഞിട്ടും ഇവര്‍ ഇക്കാര്യം പുറത്തുപറഞ്ഞില്ലെന്ന് പൊലിസ് പറയുന്നു.

മരിച്ച പെണ്‍കുട്ടിയുടെ അമ്മയേയും മൂത്തസഹോദരിയേയും കേസില്‍ സാക്ഷികളാക്കാനും തീരുമാനിച്ചു.

വിക്ടര്‍ പെണ്‍കുട്ടികളെ പീഡിപ്പിച്ചിരുന്നുവെന്ന നിര്‍ണായക മൊഴി നല്‍കിയത് മുത്തശ്ശി ലത ആയിരുന്നു. എന്നാല്‍ മരിച്ച പെണ്‍കുട്ടിയുടെ സഹോദരിയെ ചോദ്യം ചെയ്തതില്‍ നിന്നും ലതയ്‌ക്കെതിരായും തെളിവുകള്‍ ലഭിച്ചു.