ന്യൂഡല്‍ഹി: മലയാളി താരം ജിസ്‌ന മാത്യു അടക്കമുള്ള താരങ്ങളെ ഉള്‍പ്പെടുത്തി ഇന്ത്യയുടെ 51അംഗ ടീം. ജൂണ്‍ ഏഴ് മുതല്‍ പത്ത് വരെ ഏഷ്യന്‍ ജൂനിയര്‍ അത്‌ലറ്റിക്‌സ് ചാംപ്യന്‍ഷിപ്പിനുള്ള ടീമിനെ അത്‌ലറ്റിക്ക് ഫെഡറേഷന്‍ ഓഫ് ഇന്ത്യ പ്രഖ്യാപിച്ചു. 30 ജൂനിയര്‍ പുരുഷ താരങ്ങളും 21 വനിതാ താരങ്ങളുമാണ് ടീമിലുള്ളത്.
400 മീറ്റര്‍, 4-400 മീറ്റര്‍ റിലേ പോരാട്ടങ്ങളിലാണ് ജിസ്‌ന മത്സരിക്കുന്നത്. വനിതാ ട്രിപ്പിള്‍ ജംപ് പോരിനായി മറ്റൊരു മലയാളി താരം സാന്ദ്ര ബാബുവും ഇന്ത്യക്കായി കളത്തിലിറങ്ങും.