വടകര: തണല്‍ ഡയാലിസിസ് സെന്ററിന്റെ വിഭവസമാഹരണത്തിനു പ്രചാരണജാഥ പ്രയാണം തുടങ്ങി.
തണലിന്റെ സന്ദേശമെത്തിക്കുന്നതിന്റെ ഭാഗമായുള്ള ഡോക്യുമെന്ററി തിയറ്റര്‍ ഘടിപ്പിച്ച വാഹനം വിവിധ കേന്ദ്രങ്ങളില്‍ പര്യടനം നടത്തും. നാനൂറിലേറെ വൃക്കരോഗികള്‍ക്ക് സൗജന്യമായി ഡയാലിസിസ് ചെയ്യുന്നതിനുള്ള വിഭവ സമാഹരണം ഏപ്രില്‍ എട്ട്, ഒന്‍പത് തിയതികളില്‍ നടക്കും. 15000ത്തോളം വളണ്ടിയര്‍മാര്‍ തുക സമാഹരിക്കും. പ്രചാരണജാഥ സി.കെ നാണു എം.എല്‍.എ ഉദ്ഘാടനം ചെയ്തു. തണല്‍ ചെയര്‍മാന്‍ ഡോ. വി. ഇദ്‌രീസ്, ഇ.പി അബൂബക്കര്‍, രാജന്‍ മാണിക്കോത്ത്, ഡോ. അബ്ദുല്ല, പി.കെ.സി അഫ്‌സല്‍, അടിയേരി രവീന്ദ്രന്‍, സദാനന്ദന്‍ പ്രസംഗിച്ചു.