പേരാമ്പ്ര: മോട്ടോര്‍ സൈക്കിളില്‍ വിദേശമദ്യം കടത്തിയ രണ്ടു പേരെ പേരാമ്പ്ര എക്‌സൈസ് സംഘം അറസ്റ്റ് ചെയ്തു.
വേളം ചേരാപുരം സ്വദേശി ചെറിയപീടികയില്‍ അബ്ദുല്‍ ലത്തീഫ് (35), കൂരാച്ചുണ്ട് കല്ലാനോട് കോട്ടപാളയ വീട്ടില്‍ പ്രഭു (27) എന്നിവരാണ് പിടിയിലായത്.
ഇന്നലെ പേരാമ്പ്രയില്‍ നടത്തിയ വാഹന പരിശോധനയ്ക്കിടെ ഇരുവരില്‍ നിന്നുമായി 12 ലിറ്റര്‍ വിദേശമദ്യം കണ്ടെടുത്തു.
രണ്ടു പേരുടെയും മോട്ടോര്‍ ബൈക്കും കസ്റ്റഡിയിലെടുത്തിട്ടുണ്ട്.
അസി. എക്‌സൈസ് ഇന്‍സ്‌പെക്ടര്‍ കെ.സി കരുണാകരന്‍, പ്രിവന്റിവ് ഓഫിസര്‍ കെ.സി കരുണന്‍, അനീഷ് കുമാര്‍, മുരളി പാലോളി, രാമചന്ദ്രന്‍, പി.ജെ ബേബി, വിനോദ് കുമാര്‍, ഡ്രൈവര്‍ സന്തോഷ് കുമാര്‍ എന്നിവര്‍ റെയ്ഡില്‍ പങ്കെടുത്തു.