കൊച്ചി: സ്വാര്‍ഥരായ മനുഷ്യരാണ് നാടിന്റെ ദുരിതങ്ങള്‍ക്ക് കാരണമെന്ന് ഇറോം ശര്‍മിള. കൊച്ചിയില്‍ പെരിയാര്‍ സംരക്ഷണ റാലിയോടനുബന്ധിച്ചുള്ള സമ്മേളനം ഉദ്ഘാടനം ചെയ്യുകയായിരുന്നു ഇറോം. ചുറ്റുമുള്ളവര്‍ കുടിവെള്ളത്തിനായി കേഴുമ്പോള്‍ ഇവര്‍ സ്വിമ്മിങ് പൂളുകളും റിസോര്‍ട്ടുകളും പണിതുയര്‍ത്തുന്നു. നീതിക്കായി എല്ലാവരും ഒരുമിക്കേണ്ടതുണ്ട്.
വിഷജല വിരുദ്ധ പ്രക്ഷോഭത്തിന്റെ ഭാഗമായി നടന്ന ഉപവാസ സത്യഗ്രഹത്തിന്റെ സമാപനം കുറിച്ചാണ് റാലി നടന്നത്. വരാപ്പുഴ അതിരൂപത ആര്‍ച്ച് ബിഷപ്പ് ഡോ.ജോസഫ് കളത്തിപ്പറമ്പില്‍ അധ്യക്ഷനായി.