തിരുവനന്തപുരം: ദുബൈ ആസ്ഥാനമായി പ്രവര്‍ത്തിക്കുന്ന ഗലേറിയ എന്റര്‍ടെയിന്‍മെന്റ്് ഏര്‍പ്പെടുത്തിയ സാഹിത്യപുരസ്‌കാരത്തിന് ഇന്ദുമേനോന്‍ (നോവല്‍), തോമസ് ജോസഫ് (ചെറുകഥ), വീരാന്‍കുട്ടി (കവിത), രാജേഷ് ചിത്തിര (പ്രവാസി സാഹിത്യം) എന്നിവര്‍ അര്‍ഹരായതായി അവാര്‍ഡ് ജൂറി അധ്യക്ഷന്‍ പെരുമ്പടവം ശ്രീധരന്‍, അംഗം സക്കറിയ, ഗലേറിയ ജനറല്‍ മാനേജര്‍ മനോജ് കളമ്പൂര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.
ഒരുലക്ഷം രൂപയും ശില്‍പവും പ്രശസ്തി പത്രവുമാണ് പുരസ്‌കാരം. ഏപ്രില്‍ 28ന് വൈകിട്ട് ആറിന് ദുബൈ ഇത്തിസലാത്ത് അക്കാദമിയില്‍ നടക്കുന്ന ചടങ്ങില്‍ പുരസ്‌കാരം സമ്മാനിക്കും.