ന്യൂഡല്‍ഹി: കൊവിഡ്-19 സ്ഥിരീകരിക്കുന്നതിന്റെ പശ്ചാത്തലത്തില്‍ വെള്ളിയാഴ്ച രാവിലെ ഒന്‍പതു മണിക്ക് വീഡിയോ സന്ദേശം നല്‍കുമെന്ന് പ്രധാനമന്ത്രി നരേന്ദ്രമോദി അറിയിച്ചു.ലോക്ക്ഡൗണ്‍ ഏര്‍പ്പെടുത്തി ഒന്‍പതു ദിവസം പിന്നിടുമ്പോഴാണ് ജനങ്ങള്‍ക്ക് വീഡിയോ സന്ദേശവുമായി എത്തുന്ന കാര്യം ട്വിറ്ററിലൂടെ പ്രധാനമന്ത്രി അറിയിച്ചിരിക്കുന്നത്. 

രാജ്യത്ത് കൊവിഡ്-19് റിപ്പോര്‍ട്ട് ചെയ്തതിന് ശേഷം രണ്ടുതവണ മോദി രാജ്യത്തെ അഭിസംബോധന ചെയ്തിരുന്നു. ആദ്യ അഭിസംബോധനയില്‍ ജനതാ കര്‍ഫ്യൂ ആഹ്വാനവും രണ്ടാം തവണ രാജ്യത്ത് സമ്പൂര്‍ണ ലോക് ഡൗണും പ്രധാനമന്ത്രി പ്രഖ്യാപിച്ചിരുന്നു.

ഇന്ന് എല്ലാ സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി വീഡിയോ കോണ്‍ഫറന്‍സ് നടത്തിയിരുന്നു.ജനങ്ങള്‍ പുറത്തിറങ്ങാതിരിക്കാനും ആള്‍ക്കൂട്ടങ്ങള്‍ ഉണ്ടാകാതിരിക്കാനും ഉള്ള തന്ത്രങ്ങളാണ് കേന്ദ്രവും സംസ്ഥാനങ്ങളും ചേര്‍ന്ന് ആവിഷ്‌കരിക്കേണ്ടതെന്നും പ്രധാനമന്ത്രി പറഞ്ഞു.