ആലപ്പുഴ: മാധ്യമപ്രവര്‍ത്തകര്‍ക്കെതിരേ വിവാദ പരാമര്‍ശം നടത്തിയ യു. പ്രതിഭ എം.എല്‍.എക്കെതിരേ സി.പി.എം ജില്ലാ നേതൃത്വം. മാധ്യമ പ്രവര്‍ത്തകരെപ്പറ്റി ഒരിക്കലും അങ്ങനെയൊരു പദപ്രയോഗം നടത്താന്‍ പാടില്ലായിരുന്നു  സിപിഎം വ്യക്തമാക്കി. എം.എല്‍.എ വാക്കുകള്‍ സൂക്ഷിച്ച് പ്രയോഗിക്കണമെന്നും പരാമര്‍ശം എം.എല്‍.എയില്‍ നിന്നല്ല സാധാരണ വ്യക്തിയില്‍ നിന്നു പോലും ഉണ്ടാകാന്‍ പാടില്ലാത്തതാണെന്നും സിപിഎം ജില്ലാ സെക്രട്ടറി ആര്‍. നാസര്‍ പറഞ്ഞു.

സംഭവവുമായി ബന്ധപ്പെട്ട് എം.എല്‍.എ യോട് പാര്‍ട്ടി വിശദീകരണം ആവശ്യപ്പെടും.  എം എല്‍.എ വാക്കുകള്‍ സൂക്ഷിച്ച് പ്രയോഗിക്കണം. മാധ്യമങ്ങള്‍ക്ക് എതിരെയുള്ള പരാമര്‍ശം ഖേദകരമാണെന്നും ജില്ലാ സെക്രട്ടറി പറഞ്ഞു

എം.എല്‍.എ മാപ്പുപറയണമെന്നും വിവാദപരാമര്‍ശം പിന്‍വലിക്കണമെന്നും ആവശ്യപ്പെട്ട് പത്രപ്രവര്‍ത്തക യൂനിയന്‍ രംഗത്തെത്തിയിരുന്നു.