ന്യൂയോര്‍ക്ക്: യു.എസില്‍ വീണ്ടും മുസ്ലിം വിരുദ്ധ പ്രതിഷേധം. പ്രതിഷേധത്തിനിടെ ന്യേൂയോര്‍ക്ക് മേയര്‍ സൊഹ്‌റാന്‍ മംദാനിയുടെ വസതിക്ക് പുറത്ത് സ്ഫോടക വസ്തു എറിഞ്ഞു. മംദാനിയുടെ ഔദ്യോഗിക വസതിക്ക് പുറത്ത് ശനിയാഴ്ചയാണ് ആക്രമണമുണ്ടായത്.  തീവ്ര വലതുപക്ഷ സംഘടനയുടെ പ്രതിഷേധത്തിലാണ് സംഭവം. ഇതുമായി ബന്ധപ്പെട്ട് ആറ് പേരെ കസ്റ്റഡിയിലെടുത്തതായി പൊലിസ് അറിയിച്ചു.

 സംഭവം നടക്കുമ്പോള്‍ മേയറും കുടുംബവും വസതിയുലുണ്ടായിരുന്നോ എന്ന് വ്യക്തമല്ല. മേയര്‍ സുരക്ഷിതനാണെന്ന് വക്താവ് ജോ കാല്‍വെല്ലോ പറഞ്ഞു. തീവ്രവലതുപക്ഷ ഇന്‍ഫ്‌ളുവന്‍സറായ ജെയ്ക്ക് ലാങ്ങിന്റെ നേതൃത്വത്തിലായിരുന്നു പ്രതിഷേധം.

ALSO READ: ഇറാനിലെ എണ്ണ സംഭരണ ശാലകള്‍ക്ക് നേരെ ഇസ്‌റാഈല്‍ ആക്രമണം; വന്‍ തീപിടുത്തം, കനത്ത പുക

'സ്റ്റോപ്പ് ഇസ്ലാമിക് ടേക്ക് ഓവര്‍ ഓഫ് ന്യൂയോര്‍ക്ക് സിറ്റി' എന്ന പേരിലായിരുന്നു പ്രതിഷേധം. ന്യൂയോര്‍ക് നഗരത്തില്‍ നടക്കുന്ന ഇസ്ലാമികവല്‍ക്കരണം അവസാനിപ്പിക്കുകയെന്നായിരുന്നു പ്രതിഷേധക്കാരുടെ മുദ്രാവാക്യം. അതിനിടെ 
പ്രതിഷേധക്കാര്‍ക്കിടയില്‍ നിന്ന ആരോ പെപ്പര്‍ സ്‌പ്രേ ഉപയോഗിച്ചു. തുടര്‍ന്നാണ് പ്രതിഷേധം അക്രമാസക്തമായതെന്നും റിപ്പോര്‍ട്ടുകള്‍ പറയുന്നു. ഇതിനിടയില്‍ ഒരു പ്രതിഷേധക്കാരന്‍ എന്തോ കത്തിച്ച് എറിയുന്നത് കണ്ടതായി എന്‍.വൈ.പി.ഡി കമ്മീഷണര്‍ ജെസീക്ക ടിഷ് മാധ്യമപ്രവര്‍ത്തകരോട് പറഞ്ഞു.

ALSO READ: ഓസ്‌ലോയെ നടുക്കി യുഎസ് എംബസിയിൽ സ്ഫോടനം; അന്വേഷണം ആരംഭിച്ചു: ആളപായമില്ല

സംശയാസ്പദമായ രണ്ട് ഉപകരണങ്ങള്‍ കണ്ടെടുത്തതായി റിപ്പോര്‍ട്ടുകള്‍ പറയുന്നു. കറുത്ത ടേപ്പ് ഉപയോഗിച്ച് പൊതിഞ്ഞൊരു ജാറും, അതിനുള്ളില്‍ നട്ടുകളും ബോള്‍ട്ടുകളും സ്‌ക്രൂകളും, ഒപ്പം കത്തിക്കാന്‍ കഴിയുന്ന തിരിയും ഉണ്ടായിരുന്നുവെന്ന് ജെസീക്ക ടിഷ് വ്യക്തമാക്കി. പൊലിസ് ബാരിക്കേഡില്‍ തട്ടി വീണ സ്‌ഫോടക വസ്തു പൊട്ടിയിട്ടില്ല. സംഭവത്തില്‍ ആര്‍ക്കും പരുക്കേറ്റതായും റിപ്പോര്‍ട്ടില്ല. 

tensions rise in the united states as anti muslim protests escalate. explosives were reportedly thrown at the house of zohran mamdani, raising serious security and safety concerns.