പൊന്നാനി: ഈശ്വരമംഗലം സ്വദേശിയും പൊന്നാനി ഗേള്‍സ് ഹയര്‍ സെക്കന്‍ഡറി സ്‌കൂളിലെ പത്താം തരം വിദ്യാര്‍ഥിനിയുമായ ഗോപികയുടെ മരണത്തിലെ ദുരൂഹത അന്വേഷിക്കുന്നതിന് ഉന്നത വനിതാ ഉദ്യോഗസ്ഥയുടെ നേതൃത്വത്തില്‍ പ്രത്യേക അന്വേഷണ സംഘം രൂപീകരിക്കണമെന്ന് ജസ്റ്റിസ് ഫോര്‍ ഗോപിക ആക്ഷന്‍ കൗണ്‍സില്‍ ആവശ്യപെട്ടു.
കഴിഞ്ഞ മാസം 11 നാണ് പെണ്‍കുട്ടി ആത്മഹത്യക്ക് ശ്രമിച്ചത്. തുടര്‍ന്ന് ആശുപത്രിയില്‍ എത്തിക്കുന്നതില്‍ കാലതാമസം ഉണ്ടായതായി പരാതിയുണ്ട്. ഒരു ദിവസം കൂടി ആശുപത്രിയില്‍ കഴിഞ്ഞ കുട്ടിയുടെ മരണ മൊഴി രേഖപ്പെടുത്താനും സാധിച്ചിട്ടില്ല.
പെണ്‍കുട്ടി ലൈംഗിക പീഡനത്തിന് ഇരയായതായും ഗര്‍ഭിണിയായിരുന്നതായും പോസ്റ്റ്‌മോര്‍ട്ടം നടത്തിയ ഡോകടര്‍മാര്‍ സൂചിപ്പിക്കുന്നുണ്ട്. ഉടന്‍ നടപടികള്‍ ഉണ്ടായിട്ടില്ലെങ്കില്‍ ജനകീയ പ്രക്ഷോഭത്തിന് നേതൃത്വം നല്‍കാനും ഈശ്വരമംഗലം യു പി സ്‌കൂളില്‍ ചേര്‍ന്ന ആക്ഷന്‍ കൗണ്‍സില്‍ യോഗം മുന്നറിയിപ്പു നല്‍കി.
ഭാരവാഹികള്‍:
സി ഹരിദാസ് എക്‌സ് എം പി ( ചെയര്‍മാന്‍) എന്‍ സിറാജുദ്ധീന്‍, എം പി നിസാര്‍, ചക്കൂത്ത് രവീന്ദ്രന്‍, അഡ്വ.എന്‍ എ ജോസഫ് (വൈ.ചെയര്‍മാന്‍), സി ഫൈസല്‍ ( കണ്‍വീനര്‍ ) എ കെ ജബ്ബാര്‍, എം എ അഹമ്മദ് കബീര്‍, സി മുരളീധരന്‍, സി ജോസഫ് (ജോ. കണ്‍വീനര്‍), എം വി ശ്രീധരന്‍ (ട്രഷറര്‍)