കണ്ണൂര്‍: സമസ്ത കേരള ജംഇയ്യത്തുല്‍ മുഅല്ലിമിന്‍ സംഘടിപ്പിക്കുന്ന ജില്ലാ ഇസ്‌ലാമിക കലാമേള ഇന്നുരാവിലെ 10ന് പാലക്കോട് മഖാം സിയാറത്തോടെ ആരംഭിക്കും. സിയാറത്തിനു അബ്ദുറഹ്മാന്‍ ദാരിമി വേശാല നേതൃത്വം നല്‍കും. 10.15ന് കെ.സി അബ്ബാസ് ഹാജി പതാക ഉയര്‍ത്തും. നാലുവരെയുള്ള പരിപാടിയില്‍ 79 ഇനങ്ങളിലായി സബ് ജൂനിയര്‍, ജൂനിയര്‍, സീനിയര്‍, സൂപ്പര്‍ സീനിയര്‍ എന്നീ വിഭാഗങ്ങളിലായി മൂന്നു വേദിയില്‍ കലാപ്രതിഭകള്‍ മാറ്റുരയ്ക്കും. മ്ദറസാ അധ്യാപകര്‍ക്കായി പ്രത്യേകമത്സരവും ഉണ്ടാകും.
വൈകുന്നേരം നാലിന് മുട്ടം കക്കാടപ്പുറം റഹ്മാനിയ മദ്‌റസ കേന്ദ്രീകരിച്ച് നടക്കുന്ന വിളംബര ഘോഷയാത്ര പഴയങ്ങാടി എസ്.ഐ പി.ബി. സജീവ് ഫ്‌ളാഗ്ഓഫ് ചെയ്യും. കലാമേള വൈകുന്നേരം 6.30ന് പാലക്കോട് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും. മാണിയൂര്‍ അബ്ദുറഹ്മാന്‍ ഫൈസി അധ്യക്ഷനാവും. റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തും. മാണിയൂര്‍ അഹമ്മദ് മുസ്‌ലിയാര്‍ മുഖ്യാതിഥിയാവും. പാലത്തായി മൊയ്തുഹാജി, അബ്ദുറഹ്മാന്‍ കല്ലായി എന്നിവര്‍ അവാര്‍ഡ് ദാനം നടത്തും. ജാമിഅ അസ്അദിയ്യ കിറ്റ് വിതരണം എസ്.കെ ഹംസ ഹാജി നിര്‍വഹിക്കും. വി.കെ അബ്ദുല്‍ഖാദര്‍ മൗലവി, വി.പി വമ്പന്‍, ബി ഹംസഹാജി, റഷീദ് കവ്വായി, മുസ്തഫ ഹാജി പുതിയങ്ങാടി, ടി.പി ഇബ്രാഹിം ഹാജി, അബ്ദുല്‍ഷുക്കൂര്‍ ഫൈസി, നവാസ് ദാരിമി സംബന്ധിക്കും. തുടര്‍ന്നു സൂപ്പര്‍ സീനിയര്‍ ബുര്‍ദ മജ്‌ലിസ് നടക്കും.