ഗുവാഹത്തി: നാലര വയസുകാരിയെ പ്രതിഷേധ റാലിക്ക് ഉള്‍പ്പെടുത്തിയ സംഭവത്തില്‍ മൂന്നു പേരെ അറസ്റ്റ് ചെയ്തു.അസമിലെ ലാഖിംപുര്‍ ജില്ലയിലാണ് സംഭവം. കുട്ടിയുടെ മാതാവ്, പ്രദേശത്തെ കോണ്‍ഗ്രസ് നേതാവ് ജിതുമൊനി ദാസ്, പ്രാദേശിക പത്രപ്രവര്‍ത്തകന്‍ കുമുദ് ബറുവ എന്നിവരാണ് അറസ്റ്റിലായത്. കഴിഞ്ഞ ആറിനാണ് ഇന്ധന വിലവര്‍ധനക്കെതിരേ കോണ്‍ഗ്രസ് പ്രതിഷേധം സംഘടിപ്പിച്ചത്. പ്രതിഷേധ റാലിയില്‍ നാലര വയസുകാരിയെ കവുങ്ങിന്റെ പാളയില്‍ ഇരുത്തി വലിച്ചിരുന്നു. ഇതാണ് അറസ്റ്റിന് ഇടയാക്കിയത്. ജുവനൈല്‍ ജസ്റ്റിസ് നിയമം അനുസരിച്ചാണ് അസം പൊലിസ് കേസെടുത്തിരിക്കുന്നത്.