കാക്കനാട്: ടി.വി സെന്ററിനു സമീപമുള്ള സ്വകാര്യ മൊബൈല്‍ ടവര്‍ കത്തിനശിച്ചു. ടവറിന്റെ പവര്‍ ഇന്റര്‍ഫേസ് യൂണിറ്റിനാണ് തീപിടിച്ചത്. തൃക്കാക്കരയിലെ അഗ്‌നിശമനസേന പ്രവര്‍ത്തകരാണ് തീയണച്ചത്. അമിത വൈദ്യുതി പ്രവാഹമാണ് തീപിടിത്തത്തിന് കാരണമെന്ന് കരുതുന്നു. അപകടത്തില്‍ ആര്‍ക്കും പരുക്കില്ല. ഏതാണ്ട് എട്ട് ലക്ഷം രൂപയുടെ നഷ്ടം കണക്കാക്കുന്നതായി സ്വകാര്യ ടെലിഫോണ്‍ കമ്പനി അധികൃതര്‍ അറിയിച്ചു. ഫയര്‍ സ്റ്റേഷനിലെ അസിസ്റ്റന്റ് സ്റ്റേഷന്‍ ഓഫിസര്‍ എന്‍.എച്ച് ഹാസൈനാരിന്റെ നേതൃത്വത്തില്‍ ലീഡിങ് ഫയര്‍മാന്‍അബ്ദുള്‍ നസീര്‍, ഫയര്‍മാന്‍മാരായ സനൂബ്, ഷെഫീഖ് മന്‍സൂര്‍, ഉദയേന്ദ്ര, എന്നിവരാണ് തീയണച്ചത്.