ദേലംപാടി: കുടിവെള്ളം കിട്ടാതെ വിഷമിച്ച പരപ്പ പൊക്ലമൂല കോളനി വാസികള്‍ക്ക് ആശ്വാസമായി മുസ്‌ലിം യൂത്ത് ലീഗ്. കൊവിഡ് പ്രതിസന്ധിക്കൊപ്പം കടുത്ത വേനല്‍ കൂടി എത്തിയതോടെയാണ് കോളനി വാസികള്‍ക്ക് കുടിവെള്ള പ്രശ്‌നം ബാധിച്ചത്.

ദേലംപാടി ഗ്രാമപഞ്ചായത്തംഗം എ. ഷുഐബിന്റെ നേതൃത്വത്തിലാണ് വാഹനത്തില്‍ കുടിവെള്ളം എത്തിച്ചത്. കുടിവെള്ളത്തിനായി കോളനിയില്‍ കിണര്‍ ഉണ്ടെങ്കിലും വെള്ളം കുറഞ്ഞതു കാരണം ചെറിവെള്ളമായി. മറ്റു പ്രദേശങ്ങളില്‍ നിന്ന് വെള്ളം കൊണ്ടുവരാന്‍ കൊവിഡ് ലോക്ക്ഡൗണ്‍ കാരണം പ്രതിസന്ധിയുണ്ടാവുകയും ചെയ്തു. ഇതോടെയാണ് ഇവര്‍ യൂത്ത് ലീഗിനെ ബന്ധപ്പെട്ടത്.