ദുബായ്: യു.എ.ഇയില്‍ ഇന്ന് കൊവിഡ് ബാധിച്ച് മരിച്ചവരില്‍ ഒരു മലയാളിയും. ഗുരുവായൂര്‍ കോട്ടപ്പടി താഴിശേരി സ്വദേശി പനക്കല്‍ പരേതനായ കുമാരന്‍ മകന്‍ ബാബുരാജ് (55) ആണ് മരിച്ചത്. 

നാലു ദിവസം മുന്‍പാണ് അസുഖ ബാധിതനായി ബാബുരാജിനെ ദുബായ് റാഷിദ് ആശുപത്രിയില്‍ പ്രവേശിപ്പിച്ചത്. ദുബായില്‍ റെന്റ് എ കാര്‍ കമ്പനിയിലെ ഡ്രൈവര്‍ ആയിരുന്നു . 6 മാസം മുന്‍പ് ഇദ്ദേഹം നാട്ടില്‍ വന്നിരുന്നു. സംസ്‌കാരം ദുബായ് ജബല്‍ അലിയില്‍ നാളെ നടക്കും.. മാതാവ്:സുലോച, ഭാര്യ:ഷീന, മകന്‍:ആദര്‍ശ് മെക്കാനിക്കല്‍ ഡിപ്ലോമ വിദ്യാര്‍ഥിയാണ്.