വെസ്റ്റ്ബാങ്ക്: ഇസ്‌റാഈല്‍ പൊലിസ് ഉദ്യോഗസ്ഥനെ ആക്രമിച്ചെന്നാരോപിച്ച് ഫലസ്തീന്‍ യുവാവിനെ ഇസ്‌റാഈല്‍ സൈന്യം വെടിവച്ചു കൊന്നു. വെസ്റ്റ് ബാങ്കിലെ ചെക്‌പോസ്റ്റില്‍ വച്ച് ഇസ്‌റാഈല്‍ ഉദ്യോഗസ്ഥനെ ആക്രമിച്ചെന്നാരോപിച്ച് സവാഹ്‌റ വില്ലേജിലെ ഇബ്‌റാഹീം ഹല്‍സ എന്ന 25കാരനെയാണ് സൈന്യം വെടിവച്ച് കൊന്നത്. 

ഇദ്ദേഹത്തിന്റെ മൃതദേഹം ഇസ്‌റാഈല്‍ സൈന്യം വിട്ടുനല്‍കിയിട്ടില്ല. ഇയാള്‍ പൊലിസുകാരനെ ആക്രമിച്ച സ്ഥലത്തുനിന്നു പൈപ്പ് ബോംബ് കണ്ടെടുത്തുവെന്നും ഇസ്‌റാഈല്‍ സൈന്യം ആരോപിക്കുന്നുണ്ട്. ഇബ്‌റാഹീം ആക്രമിച്ച പൊലിസുകാരന്‍ പരുക്കേറ്റ് ചികിത്സയിലാണെന്നും സൈന്യം പറയുന്നു.