പുതുനഗരം: അശാസ്ത്രീയമായി വൈക്കോല്‍ കടത്തുന്നത് അപകടങ്ങള്‍ക്ക് വഴിവെക്കുന്നു. സുരക്ഷാ മുന്നൊരുക്കമില്ലാതെ ട്രാക്ടറുകളിലും ടിപ്പറുകളിലും പിക്കപ്പ് വാനുകളിലുമായി നെല്‍പാടങ്ങളില്‍നിന്ന് വൈക്കോല്‍ കടത്തുന്നതാണ് അപകടണള്‍ക്ക് വഴിവെച്ചിട്ടുള്ളത്. കഴിഞ്ഞ ഒന്നര മാസത്തിനിടെ നാല് തീപിടുത്തങ്ങളാണ് അശാസ്ത്രീയമായി വൈക്കോല്‍ കടത്തിയ വാഹനങ്ങളില്‍ ഉണ്ടായിട്ടുള്ളത്.
വൈക്കോലുകള്‍ വാഹനത്തില്‍ കെട്ടിവെക്കാത്തതും ടാര്‍പോളിന്‍ ഉപയോഗിച്ച് മറക്കാത്തതുമാണ് മിക്കപ്പോഴും അപകടങ്ങള്‍ക്ക് വഴിവെക്കുന്നതെന്ന് പുതുനഗരം പൊലിസ് പറഞ്ഞു.
ലോറികളില്‍ കയറ്റുന്ന വൈക്കോലുകളും സുരക്ഷാ പിഴവുമൂലം തീപിടുത്തങ്ങള്‍ ഉണ്ടായിട്ടുണ്ട്. വൈദ്യുത ലൈനുകള്‍ താഴ്ന്നു കിടക്കുന്ന പ്രദേശങ്ങളും വൈക്കോല്‍ കടത്ത് വാഹനങ്ങള്‍ക്ക് ഭീഷണിയാകുന്നതിനാല്‍ കെ.എസ്.ഇ.ബി ഉദ്യോഗസ്ഥര്‍ പരിശോധന ശക്തമാക്കുകയും മാനദണ്ഡം പാലിക്കാതെ വൈക്കോല്‍ കടത്തുന്നതും നിയന്ത്രിക്കണമെന്ന് നാട്ടുകാര്‍ ആവശ്യപ്പെട്ടു.