ചവറ: ലോറിയ്ക്ക് പിന്നില്‍ ബൈക്കിടിച്ച് ബൈക്ക് യാത്രികന്‍ മരിച്ചു. ചവറ കൊട്ടുകാട് വിഷ്ണു കൃപയില്‍ പ്രകാശ് (41) ആണ് മരിച്ചത്. ദേശീയപാതയില്‍ നീണ്ടകര ആല്‍ത്തറ മൂടിന് സമീപം ഇന്നലെ പുലര്‍ച്ചെ 4.30 നാണ് അപകടം. നാഗര്‍കോവില്‍ നിന്നും ഉപ്പുകയറ്റിവന്ന ലോറി ദേശീയപാതയുടെ വശത്തേക്ക് ഒതുക്കുന്നതിനിടയില്‍ പ്രകാശ് സഞ്ചരിച്ച ബൈക്ക് ലോറിയ്ക്ക് പിന്നില്‍ ഇടിക്കുകയായിരുന്നു. ഇടിയുടെ ആഘാതത്തില്‍ ഗുരുതരമായി പരുക്കേറ്റ പ്രകാശ് തല്‍ക്ഷണം മരിച്ചു.
ചവറ പൊലിസിന്റെ ആംബുലന്‍സില്‍ ജില്ലാ ആശുപത്രിയിലെത്തിച്ച മൃതദേഹം പോസ്റ്റുമാര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുത്തു. ഡി.വൈ.എഫ്.ഐയുടെ മുന്‍ ചവറ മേഖലാ ആക്ടിംഗ് സെക്രട്ടറിയായിരുന്ന പ്രകാശ് പ്രവാസ ജീവിതത്തിന് ശേഷം നാട്ടില്‍ ബിസിനസ് നടത്തി വരികയായിരുന്നു.
മായയാണ് ഭാര്യ. മകന്‍ ആകാശ്. ചവറ നല്ലേഴത്ത് ജങ്ഷനില്‍ നിന്നും വിലാപയാത്രയായി എത്തിച്ച മൃതദേഹം വന്‍ ജനാവലിയുടെ സാന്നിധ്യത്തില്‍  വീട്ടുവളപ്പില്‍ സംസ്‌കരിച്ചു.