തിരൂര്‍: റോഡരികിലെ മാലിന്യം നീക്കം ചെയ്യണമെന്ന് ആവശ്യപ്പെട്ട് മുസ്‌ലിം ലീഗ് പ്രവര്‍ത്തകര്‍ പ്രതിഷേധ സംഗമം നടത്തി. മാസങ്ങളായി റോഡരികില്‍ കുന്നുകൂടി കിടക്കുന്ന മാലിന്യ കൂമ്പാരം ഉടന്‍ നീക്കണമെന്നാവശ്യപ്പെട്ടാണ് മുസ്‌ലിം ലീഗ്  നടുവിലങ്ങാടി ശാഖ കമ്മിറ്റിയുടെ നേതൃത്വത്തിലായിരുന്നു സംഗമം. കുമിഞ്ഞു കൂടിയ മാലിന്യം തെരുവ് നായകള്‍ വലിച്ചഴച്ച് പരിസരമാകെ ദുര്‍ഗന്ധം വമിക്കുകയാണ്. പൊതുജനാരോഗ്യത്തിന് ഭീഷണിയായ മാലിന്യം ഉടന്‍ നീക്കം ചെയ്യണമെന്നും അല്ലാത്തപക്ഷം സമരം ശക്തമാക്കുമെന്നും നേതാക്കള്‍ വ്യക്തമാക്കി. കെ.അബൂബക്കര്‍ ,ഇ യൂസഫലി, വി അബ്ദുറഹ്മാന്‍ എന്ന ഇബനു, ഒ.മുഹമ്മദ് കുട്ടി, കെ.ടി.നൗഫല്‍, കെ.ടി.റഫീഖ്, ടി.ഇ.ബാബു, കടവത്ത് കുഞ്ഞി കോയ നേത്യത്വം നല്‍കി.