പട്‌ന: തോട്ടത്തില്‍ നിന്ന് മാമ്പഴം പറിച്ചതിന് ബിഹാറില്‍ 12 വയസുകാരനെ വെടിവച്ചുകൊന്നു. ബിഹാറിലെ ഖകാരിയ പ്രദേശത്താണ് ക്രൂരമായ സംഭവം. കൂട്ടുകാര്‍ക്കൊപ്പം മാമ്പഴം പറിക്കുകയായിരുന്ന സത്യംകുമാറാണ് തോട്ടം കാവല്‍ക്കാരന്റെ വെടിയേറ്റ് മരിച്ചത്. ഓടിരക്ഷപ്പെട്ട കൂട്ടുകാര്‍ വിവരം ഗ്രാമീണരെ അറിയിക്കുകയായിരുന്നു. 

മാമ്പഴം പറിച്ചെന്ന കാരണത്താല്‍ തന്റെ മകനെ തോട്ടം കാവല്‍ക്കാരന്‍ രാമാശിഷ് യാദവ്(43) വെടിവയ്ക്കുകയായിരുന്നുവെന്ന് സത്യംകുമാറിന്റെ അച്ഛന്‍ മാകുനി യാദവ് പറഞ്ഞു. രാമാശിഷ് ഒളിവിലാണ്. സംഭവത്തില്‍ പൊലിസ് അന്വേഷണം ആരംഭിച്ചു.