ചീരാല്‍: പഞ്ചായത്ത് എം.എസ്.എഫ് കമ്മിറ്റിയുടെ നേതൃത്വത്തില്‍ യു.പി, ഹൈസ്‌കൂള്‍, ഹയര്‍സെക്കന്‍ഡറി തലങ്ങളില്‍ പഠിക്കുന്ന നിര്‍ധനരായ 105 വിദ്യാര്‍ഥികള്‍ക്ക് പഠനോപകരണങ്ങള്‍ വിതരണം ചെയ്തു.
ചീരാല്‍ സ്‌കൂളില്‍ നടന്ന ചടങ്ങില്‍ പഠനോപകരണ വിതരണോദ്ഘാടനം അബ്ദുല്‍ലത്തീഫ് നെടുവഞ്ചേരി നിര്‍വഹിച്ചു. പി.ടി.എ പ്രസിഡന്റ് കെ.വി ശശി അധ്യക്ഷനായി. അജ്മല്‍ മല്‍പള്ളി, മുസ്തഫ ഹാജി, കെ.എ അഷ്‌റഫ്, പ്രിന്‍സിപ്പാള്‍ കമലാക്ഷി, എച്ച്.എം സനല്‍കുമാര്‍, ജോണ്‍, കമലം സംസാരിച്ചു. സന്നദ്ധപ്രവര്‍ത്തനങ്ങളുടെ ഭാഗമായി സ്‌കൂളില്‍ നിന്നും എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം കൈവരിച്ച വിദ്യാര്‍ഥികളെയും എം.എസ്.എഫ് കമ്മറ്റി അനുമോദിച്ചു.