തൊടുപുഴ: മൂവാറ്റുപുഴ - തൊടുപുഴ റോഡില്‍ മടക്കത്താനം ഇടയ്ക്കാട്ടുകയറ്റത്തിന് സമീപം മൂന്ന് കാറുകള്‍ കൂട്ടിയിടിച്ച് മാധ്യമ പ്രവര്‍ത്തകനടക്കം അഞ്ച് പേര്‍ക്ക് പരുക്ക്.
ഇന്നലെ പകല്‍ മൂന്ന് മണിയോടെയാണ് സംഭവം. ചന്ദ്രികയുടെ ജില്ലാ ലേഖകന്‍ ഉടുമ്പന്നൂര്‍ കുന്നത്ത് സിദ്ധീഖ് (48) ആണ് പരുക്കേറ്റവരില്‍ ഒരാള്‍. സിദ്ധീക്ക് സഞ്ചരിച്ച സ്വിഫ്റ്റ് കാര്‍ മൂവാറ്റുപുഴയില്‍ നിന്ന് തൊടുപുഴയിലേക്ക് വരുന്ന വഴി എതിര്‍ ദിശയില്‍ നിന്നെത്തിയ സി.എസ്.ഐ വൈദികര്‍ സഞ്ചരിച്ച നാനോ കാര്‍ ഇടുക്കുകയായിരുന്നു.
ഇതിന് ശേഷം വട്ടം തിരിഞ്ഞ ഈ കാര്‍ മറ്റൊരു കാറിലും ഇടിച്ചു. പെട്ടെന്നുണ്ടായ സംഭവത്തില്‍ പിന്നാലെയെത്തിയ ബെക്കും ലോറിയും അപകടത്തില്‍പ്പെട്ടു. അപകടത്തെ തുടര്‍ന്നുണ്ടായ ഗതാഗത കുരുക്ക് വാഴക്കുളം പൊലിസ് സ്ഥലത്തെത്തിയാണ് നീക്കിയത്. സിദ്ധീക്കിന്റെ പല്ലിന് ഇളക്കം തട്ടിയിട്ടുണ്ട്. ഒരാളുടെ കൈക്ക് ഒടിവുണ്ട്.