ആലപ്പുഴ: തുഷാര്‍വെള്ളപ്പാള്ളി ലോക്‌സഭ തിരഞ്ഞെടുപ്പില്‍ മത്സരിക്കുന്നതിനെതിരേ എസ്.എന്‍.ഡി.പി ജനറല്‍ സെക്രട്ടറി വെള്ളാപ്പള്ളി നടേശന്‍.
തിരഞ്ഞെടുപ്പില്‍ മത്സരിക്കുന്നവര്‍ എസ്.എന്‍.ഡി.പി ഭാരവാഹിത്വം രാജിവെക്കണമെന്നും അദ്ദേഹം പറഞ്ഞു.
തുഷാര്‍ മത്സരിച്ചാലും താന്‍ പ്രചരണത്തിന് ഇറങ്ങില്ല. വ്യക്തിപരമായ നിലപാട് നേരത്തെ പറഞ്ഞതാണ്. ശരിദൂരത്തിലൂടെ മുന്നോട്ട് പോകണം. ഒരു കക്ഷിയെ പിന്തുണക്കാതെ പോകണം.

കെ.സി വേണുഗോപാല്‍ ആലപ്പുഴയില്‍ നിന്ന് പേടിച്ച് പിന്മാറിയതാണെന്ന് വെള്ളാപ്പള്ളി ആരോപിച്ചു. മത്സരിച്ചാല്‍ പരാജയപ്പെടും. അടൂര്‍ പ്രകാശ് ആലപ്പുഴയില്‍ മത്സരിച്ചാല്‍ ജയിക്കില്ല. ആലപ്പുഴയില്‍ ആരിഫിന് ജനങ്ങളുടെ പിന്തുണയുണ്ട്. ഇപ്പോഴേ ജയിച്ചുകഴിഞ്ഞു. ആനയോട് ഏലി മത്സരിക്കുന്നത് പോലെയാണ് ആരിഫിനോട് വേണുഗോപാല്‍ മത്സരിക്കുന്നതെന്നും വെള്ളാപ്പള്ളി പറഞ്ഞു.

ആലപ്പുഴയില്‍ സിപി.എം സ്ഥാനാര്‍ഥി എ.എം ആരിഫ് വിജയിക്കും. വിജയിച്ചില്ലെങ്കില്‍ താന്‍ കാശിയില്‍പോയി മൊട്ടയടിക്കുമെന്നും ഇവിടേക്ക് അടൂര്‍ പ്രകാശിനെ പറഞ്ഞയക്കുന്നത് തോല്‍ക്കാനായി മാത്രാമാണെന്നും വെള്ളാപ്പള്ളി കൂട്ടിച്ചേര്‍ത്തു.