മുംബൈ: മഹാരാഷ്ട്രയില്‍ ഇന്ന് പുതുതായി 2,608 പേര്‍ക്ക് കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് കൊവിഡ് ബാധിതരുടെ എണ്ണം 47,910 ആയി.അറുപതുപേര്‍ക്ക് ഇന്ന് ജീവന്‍ നഷ്ടമാവുകയും 821 പേര്‍ രോഗമുക്തി നേടുകയും ചെയ്തു.

അതേ സമയം ഇതുവരെ 1,577 പേരാണ് സംസ്ഥാനത്ത് കൊവിഡ്19 മൂലം മരിച്ചത്. 13,404 പേര്‍ ഇതുവരെ രോഗമുക്തി നേടിയതായി മഹാരാഷ്ട്ര ആരോഗ്യ വകുപ്പ് അറിയിച്ചു.

സംസ്ഥാനത്തെ 1,671 പൊലിസ് സേനാംഗങ്ങള്‍ക്കും കൊവിഡ് ബാധിച്ചിട്ടുണ്ട്. പതിനെട്ടു പേരാണ് ഇതുവരെ മരിച്ചത്. 541 പേര്‍ രോഗമുക്തരായതായും മഹാരാഷ്ട്ര പൊലീസ് അറിയിച്ചു.

https://twitter.com/ANI/status/1264166330367795200

തുടര്‍ച്ചയായി ഏഴാം ദിവസമാണ് സംസ്ഥാനത്ത് 2,000ത്തിലേറെ കേസുകള്‍ ഒരു ദിവസം റിപ്പോര്‍ട്ട്ചെയ്യുന്നത്. മുംബൈയില്‍ മാത്രം 1,566 കേസുകളാണ് പുതുതായി റിപ്പോര്‍ട്ട് ചെയ്തിട്ടുള്ളത്. ഇതോടെ മുംബൈയില്‍ മാത്രം രോഗബാധിതരുടെ എണ്ണം 28,817 ആയി ഉയര്‍ന്നു. മുംബൈയില്‍ 949 പേരാണ് ഇത് വരെ കൊവിഡ് ബാധിച്ച് മരിച്ചത്.

മഹാരാഷ്ട്രയ്ക്ക് പിന്നാലെ തമിഴ്‌നാട്ടിലും രോഗികളുടെ എണ്ണം വര്‍ധിക്കുകയാണ്. 710 പേര്‍ക്ക് ഇന്ന് തമിഴ്‌നാട്ടില്‍ രോഗം സ്ഥിരീകരിച്ചു. അഞ്ചുപേര്‍ മരിച്ചു. ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 15,512 ആയി.