കായംകുളം: വൈദ്യുതി പോസ്റ്റിന് തീപിടിച്ചത് പരിഭ്രാന്തി പടര്‍ത്തി. ലിങ്ക് റോഡില്‍ പാര്‍ക്കു ജങ്ഷന്റെ പടിഞ്ഞാറു ഭാഗത്തെ വൈദ്യുതി ലൈനിലാണ് രാവിലെ 10.30 നോടെ തീ പിടിച്ചത്. തീ പടര്‍ന്നതോടെ സമീപത്തെ വ്യാപാരികള്‍ വൈദ്യുതി ബന്ധം വിഛേദിച്ച് കടകളടച്ചു.
സമീപത്തു പാര്‍ക്കു ചെയ്തിരുന്ന വാഹനങ്ങളും മാറ്റി. വ്യാപാരികള്‍ വിവരമറിയിച്ചതിനെ തുടര്‍ന്ന് ഫയര്‍ഫോഴ്‌സ്, പൊലിസ്, വൈദ്യുതി ഉദ്യോഗസ്ഥര്‍ എന്നിവര്‍ സ്ഥലത്തെത്തി. സമീപത്തെ ട്രാന്‍സ്‌ഫോര്‍മര്‍ ഉദ്യോഗസ്ഥര്‍ ഓഫുചെയ്തതിനാല്‍ വന്‍ ദുരന്തമാണ് ഒഴിവായത്.