അമ്പലപ്പുഴ: ശ്രീമൂലം ടൗണ്‍ ക്ലബിന്റെ നേതൃത്വത്തില്‍ എല്ലാ വര്‍ഷവും നടന്നുവരുന്ന കെ.കെ.കുഞ്ചുപിള്ള മെമ്മോറിയല്‍ ആള്‍ കേരള വോളിബോള്‍ ടൂര്‍ണമെന്റ് ഇന്ന് മുതല്‍ അമ്പലപ്പുഴ ശ്രീമൂലം ടൗണ്‍ ക്ലബ് ഫ്‌ളഡ്‌ലിറ്റ് സ്റ്റേഡിയത്തില്‍ നടക്കുമെന്ന് ജനറല്‍ കണ്‍വീനര്‍ സി. രാധാകൃഷ്ണന്‍, വര്‍ക്കിങ് ചെയര്‍മാന്‍ കൊട്ടാരം ഉണ്ണികൃഷ്ണന്‍, കണ്‍വീനര്‍ എസ്. രാജന്‍, രവി എന്നിവര്‍ വാര്‍ത്താ സമ്മേളനത്തില്‍ പറഞ്ഞു.
 ഇന്ന് കേരള പോലീസും കൊച്ചിന്‍ കസ്റ്റംസും തമ്മില്‍ ഏറ്റുമുട്ടും. നാളെ കെ.എസ്.ഇ.ബി. തിരുവനന്തപുരവും ഇന്ത്യന്‍ എയര്‍ഫോഴ്‌സും തമ്മിലും 18 ന് ഇന്ത്യന്‍ നേവിയും കൊച്ചില്‍ പോര്‍ട്ട് ട്രസ്റ്റും തമ്മിലും 19 ന് വനിതാ വിഭാഗം മത്സരത്തില്‍ അസംപ്ഷന്‍ കോളേജ് ചങ്ങനാശേരിയും ഇരിങ്ങാലക്കുട സെന്റ് ജോസഫ്‌സ് കേളേജ് തമ്മിലും മത്സരിക്കും.
20ന് മത്സര വിജയിയും കേരള പൊലിസുമായി ഫൈനലില്‍ മത്സരിക്കും. 21 ന് പുരുഷ ടീമുകളുടെ ആദ്യസെമി, രണ്ടാം സെമി മത്സരം നടക്കും. 22ന് സെമിഫൈനല്‍ മത്സരം നടക്കും. 23 നാണ് ഫൈനല്‍ മത്സരം. പ്രവേശനം പാസ് മൂലമാണ്. സീസണ്‍ പാസെടുക്കുന്നവര്‍ക്ക് മുഴുവന്‍ മത്സരങ്ങളും കാണാം. മൂവായിരം പേര്‍ക്ക് ഇരിക്കാവുന്ന ഗ്യാലറി നിര്‍മാണത്തിന്റെ കാല്‍നാട്ട് കര്‍മ്മം ജനറല്‍ കണ്‍വീനര്‍ സി. രാധാകൃഷ്ണന്‍ നിര്‍വഹിച്ചു.