മനാമ: ബഹ്‌റൈനില്‍ കൊവിഡ് ബാധിച്ച് 24 മണിക്കൂറിനിടെ ഒരു പ്രവാസി ഉള്‍പ്പെടെ നാലുപേര്‍ കൂടി മരിച്ചതായി ആരോഗ്യ മന്ത്രാലയം അറിയിച്ചു. മൂവരും ബഹ്‌റൈന്‍ സ്വദേശികളാണ്. ഇതോടെ മരിച്ചവരുടെ ഔദ്യോഗിക കണക്ക് 18 ആയി. ഞായറാഴ്ച പുലര്‍ച്ചെയാണ് 88ഉം 59ഉം വയസുള്ള രണ്ട് പൗരന്മാര്‍ മരിച്ചത്. പിന്നീട് പകല്‍ 11ഓടെ പുറത്തുവിട്ട റിപ്പോര്‍ട്ടില്‍ ഒരാള്‍ കൂടി മരിച്ചതായി അറിയിപ്പുണ്ടായി. ഞായറാഴ്ച മാത്രം ബഹൈ്‌റനില്‍ രോഗബാധ സ്ഥിരീകരിച്ചവരുടെ എണ്ണം 495 ആയി. ഇതില്‍ 341 പേരും പ്രവാസികളാണ്. നിലവില്‍ രാജ്യത്ത് 4,596 പേരാണ് ചികിത്സയില്‍ കഴിയുന്നത്. ഇതില്‍ 12 പേര്‍ ഗുരുതരാവസ്ഥയിലാണ്. 6,673 പേര്‍ രോഗമുക്തരായിട്ടുണ്ട്.